அரசு கல்லுாரியில் ஆண்டு விழா வெற்றி பெற்றவர்களுக்கு பரிசு

உடுமலை, அரசு கலைக் கல்லுாரியில் ஆண்டுவிழா மற்றும் விளையாட்டு விழா நடந்தது.உடுமலை அரசு கலைக்கல்லுாரியில் நடந்த ஆண்டு விழாவிற்கு, உடுமலை கோட்டாட்சியர் ரவிக்குமார் முன்னிலை வகித்தார். மாணவர் சேக் அலாவூதின் வரவேற்றார். கல்லுாரி முதல்வர் பொன்முடி தலைமை வகித்தார்.கல்லுாரி முன்னாள் மாணவர் சங்கத் தலைவர் கந்தசாமி விளையாட்டு விழாவை துவக்கி வைத்து மாணவர்களின் அணிவகுப்பு மரியாதையை ஏற்றுக்கொண்டார். உடற்கல்வி இயக்குனர் மனோகர் செந்துாரப்பாண்டி ஆண்டறிக்கை வாசித்தார்.விளையாட்டு மற்றும் இலக்கியப்போட்டிகளில் வெற்றி பெற்ற மாணவர்கள் மற்றும் பல்கலைக்கழக அளவில் சிறப்பிடம் பெற்ற மாணவர்களுக்கும் பரிசுகள் வழங்கப்பட்டன. மாணவர்களின் கலைநிகழ்ச்சிகள் நடந்தது. விழாவுக்கான ஏற்பாடுகளை பேராசிரியர்கள் செய்திருந்தனர்.