திருப்பூர் மாநகராட்சி பகுதிகளில், மீண்டும் கொரோனா தொற்று பரவல்

திருப்பூர் மாநகராட்சி பகுதிகளில், மீண்டும் கொரோனா தொற்று பரவல் உறுதியாகியுள்ள நிலையில், சுகாதார துறையினர், கூடுதல் கவனம் செலுத்த துவங்கிஉள்ளனர்.திருப்பூர் மாநகராட்சி பகுதியில், இரு மாத இடைவெளிக்கு பின், கொரோனா பாதிப்பு தென்பட துவங்கியுள்ளது. மாநகராட்சி எல்லைக்குள், வெவ்வேறு பகுதியில் வசிக்கும், 60 வயது ஆண் மற்றும், 47 வயது பெண் ஆகிய இருவருக்கும் கொரோனா தொற்று உறுதியானது.இவர்கள், கோவை இ.எஸ்.ஐ., மருத்துவமனையில் சிகிச்சை பெறுகின்றனர். கடந்த இரு நாளுக்கு முன், மாநகராட்சி பகுதியில், 300க்கும் மேற்பட்டோரிடம் கொரோனா பரிசோதனைக்கென, சளி மாதிரி சேகரிக்கப்பட்டது. பாதிப்பு கண்டறியப்பட்ட பகுதி மற்றும் சுற்றுப்பகுதியில், மாநகராட்சி சுகாதார பிரிவினர், கிருமி நாசினி தெளித்து பாதுகாப்பு நடவடிக்கை மேற்கொண்டனர். அரசு மருத்துவமனை வளாகம் முழுக்க கிருமிநாசினி தெளிக்கப்பட்டது.பாதிக்கப்பட்டோர் வசிக்கும் வீடு, வீதிகள் தனிமைப்படுத்தப்பட்டன. சுற்றுப்பகுதியில் வசிப்போர், பாதுகாப்புடனும், தகுந்த முன்னெச்சரிக்கையுடனும் இருக்க அறிவுறுத்தப்பட்டது. சளி, காய்ச்சல் அறிகுறி தென்படுவோர், மருத்துவர் ஆலோசனை பெற அறிவுறுத்தப்பட்டுள்ளது.பாதிப்பு உறுதி செய்யப்பட்ட பகுதிகளில் உள்ள கடைகளுக்கு, குழுவாக செல்லும் மாநகராட்சி அலுவலர்கள், 'கடை ஊழியர்கள் மற்றும் வாடிக்கையாளர்கள் கட்டாயம் முக கவசம் அணிய வேண்டும்; உரிய சமூக இடைவெளி பின்பற்ற வேண்டும்; சானிடைசர் மற்றும் கையுறை பயன்படுத்த வேண்டும்' என, அறிவுரை வழங்கினர்.மங்கலத்தில் உஷார்...திருப்பூர் அடுத்த மங்கலம் ஊராட்சியில், 108 ஆம்புலன்ஸ் பணியாளருக்கு, கொரோனா தொற்று உறுதியானது. கிராமம், நோய் கட்டுப்பாட்டு மண்டலமாக அறிவிக்கப்பட்டதால், நுாறு நாள் திட்ட பணியும் நிறுத்தப்பட்டன.அதேசமயம், கிராமப்புறங்களில் உள்ள கர்ப்பிணிகள் பாதிக்காத வகையில், அங்குள்ள ஆரம்ப சுகாதார நிலையத்தில், கிருமிநாசினி தெளிப்பு உள்ளிட்ட நோய் தடுப்பு பணிகள் முடுக்கிவிடப்பட்டுள்ளன. சுகாதாரத்துறையினர் கூறியதாவது;சுகாதார நிலையத்துக்கு வருவோர், சானிடைசர் பயன்படுத்தி கை கழுவவும், முக கவசம் அணியவும் அறிவுறுத்தப்படுகின்றனர். முக கவசம் அணியாதோர், சுகாதார நிலையத்துக்குள் அனுமதிக்கப்படுவதில்லை. நோயாளிகளுக்கு, நோய் எதிர்ப்பு சக்தி தரும் மருந்து வழங்கப்படுகிறது.தற்போதைய சூழலில், பரிசோதனைக்கு வரும் கர்ப்பிணிகள், உரிய ஆலோசனைக்கு பின், அரசு மருத்துவமனைக்கு செல்ல பரிந்துரைக்கப்படுகின்றனர்.இவ்வாறு, அவர்கள் கூறினர். facebook sharing button twitter sharing button whatsapp sharing button messenger sharing button உடனுக்குடன் உண்மை செய்திகளை உங்களது தினமலர் டெலிகிராம் சேனலில் பார்க்கலாம் Advertisement மேலும் திருப்பூர் மாவட்ட செய்திகள் : முக்கிய செய்திகள் 1.வீடுகளில் களைகட்டிய யோகா பயிற்சி! உடல், மன நலம் காப்பதில் ஆர்வம் பொது 1.உடுமலை சங்கர் கொலை வழக்கு: கவுசல்யா தந்தை விடுவிப்பு; குற்றவாளிகள் தண்டனை குறைப்பு 2. உலக்கை நிறுத்தி வைத்து கிரகணம் கணித்த மக்கள் 3. தந்தையர் தின வாழ்த்து கூகுள் டூடுல் வடிவமைப்பு 4. தொழில் நிறுவனங்களை வலுவாக்க புதிய திட்டம் 5. தரமற்ற பி.பி.இ.,யால் கொரோனா அபாயம் மேலும்... பிரச்னைகள்