பத்ரகாளியம்மன் கோவில் திருவிழா இன்று கொடியேற்றம் நடக்கிறது

உடுமலை பத்ரகாளியம்மன் கோவில் திருவிழா கொடியேற்ற விழா இன்று நடக்கிறது.உடுமலை சங்கிலி வீதியில் பத்ரகாளியம்மன் கோவில் உள்ளது. இக்கோவிலில் நோன்பு சாட்டுதல் நிகழ்ச்சியுடன் துவங்கும் திருவிழா, 17 நாட்கள் நடைபெறுகிறது.கடந்த மாதம் 25ம் தேதி நோன்பு சாட்டப்பட்டது. கடந்த முதல் தேதி இரவு, 7:00 மணிக்கு கருப்பணசாமி பூஜை நடந்தது. தொடர்ந்து, திருமூர்த்திமலையில் இருந்து தீர்த்தம் எடுத்து வரப்பட்டது.விழாவில் இன்று காலை, 7:30 மணிக்கு கொடியேற்றுதல், காப்புக்கட்டுதல், முளைப்பாலிகை இடுதல், கும்பம் எடுத்து வருதல் நிகழ்ச்சிகள் நடக்கிறது. வரும் 7 ம் தேதி பூவோடு எடுத்து வருதல் நடக்கிறது. அம்பாள் திருக்கல்யாணம், வரும் 9ம் தேதி, காலை, 10:00 மணிக்கு நடைபெறுகிறது.திருவிழாவையொட்டி ஆன்மிக சொற்பொழிவு, பரதநாட்டிய நிகழ்ச்சி, பக்தி பாடல்கள் இன்னிசை, கோலப்போட்டி, மாறுவேடப்போட்டி, விளையாட்டு போட்டிகள், உட்பட பல்வேறு நிகழ்ச்சிகள் தினமும் நடைபெறுகின்றன.வரும் 10ம் தேதி கொடி இறக்குதலும், 11ம் தேதி மஞ்சள் நீராட்டு உலாவும், மகா அபிேஷகமும் நடக்கின்றன.