பள்ளி மாணவர்களுக்கு நிலவேம்பு கஷாயம்

உடுமலை, பூலாங்கிணர் அரசு மேல்நிலைப்பள்ளி மற்றும் ஊராட்சி ஒன்றிய துவக்கப்பள்ளி மாணவர்களுக்கு நிலவேம்பு கஷாயம் வழங்கப்பட்டது.நிகழ்ச்சியில் மேல்நிலைப்பள்ளி பொறுப்பு தலைமையாசிரியர் சந்திரன் தலைமை வகித்தார். நாட்டுநலப்பணி திட்ட அலுவலர் சரவணன் வரவேற்றார். எரிசனம்பட்டி ஆரம்ப சுகாதார நிலைய சித்த மருத்துவர் கார்த்திகேயன் டெங்கு பரவும் முறை குறித்து விழிப்புணர்வு ஏற்படுத்தினார்.இரண்டு பள்ளி மாணவர்களுக்கும் நிலவேம்பு கஷாயம் வழங்கப்பட்டது. தொடர்ந்து, ஊழல் ஒழிப்பு குறித்து கருத்தரங்கம் நடந்தது. ஆசிரியர் ராஜேஷ்குமார் ஊழல் ஒழிப்பு குறித்து பேசினார்.மாணவர்கள் 'லஞ்சம் தவிர்ப்போம்' என உறுதிமொழி எடுத்தனர். ஊழல் ஒழிப்பு குறித்து மாணவர்களுக்கு பட்டிமன்றம் நடந்தது. ஆரம்ப சுகாதார நிலைய உதவிப்பணியாளர் கிருஷ்ண குமார் நன்றி கூறினார்.