தேர்வெழுதும் மாணவர்களுக்கு உளவியல் ஆலோசனை

மக்கள் நல்வாழ்வு மற்றும் குடும்ப நலத்துறை, தமிழ்நாடு சுகாதார திட்டம் மூலம், 24 மணி நேர உதவி மையம் செயல்படுகிறது. 104 மருத்துவ உதவி மையம் மூலம் மருத்துவம் தொடர்பான தகவல்கள் மட்டுமின்றி உடல்நலம் மற்றும் உளவியல் ஆலோசனைகளும் வழங்கப்படுகிறது. ஒவ்வொரு ஆண்டும் பொதுத்தேர்வின் போது, 104 சேவை மூலம் தேர்வெழுதும் மாணவர்களுக்கு ஆலோசனை வழங்கப்படுகிறது. அவ்வகையில் இந்தாண்டும் சிறப்பு உளவியல் ஆலோசனை வழங்கப்பட உள்ளது. இதற்காக உளவியல் ஆலோசகர், டாக்டர், செவிலியர் அடங்கிய குழு, 24 மணி நேரமும் செயல்பட உள்ளது.104 சேவை மைய அலுவலர்கள் கூறுகையில்,' தேர்வு முடியும் காலம் வரை சிறப்பு ஆலோசனை மையம் செயல்படும். மாணவர்கள் எவ்வித தயக்கமுமின்றி, எந்த சூழ்நிலையிலும் அழைத்து ஆலோசனைகளை பெறலாம்,' என்றனர்.